මේෂ
ඔබේ ලග්නාධිපති කුජ දහවැන්නේ බලවත්ව සඳු කේතු සමඟ ද ගුරු හත්වැන්නේ ද ගමන් කරමින් උදාවන මේ සතිය සුභඵලදායකයි. දියුණුව වෙනුවෙන් කරන කටයුතුවලට නිතර නිවසින් බැහැරව යැමට සිදුවේ. බිරිඳ හෝ සැමියාට සුභඵලදායකයි. අඹු-සැමි සමගිය ඇති වේ. උත්සාහය ධෛර්යය වැඩි වන නිසා රැකියා හෝ ව්‍යාපාර කටයුතු සාර්ථක වේ. පවුලේ අය සමග සතුටින් කාලය ගතවේ. අසලAවාසීන් හා සහෝදරයන් සමඟ සුහදතාව වර්ධනය වේ. ලිපි ලේඛණ හා ශාස්‌ත්‍රීය කටයුතුවලට සුබයි. නීතියේ පිහිට ලැබේ. සතිය අගදී දුර ගමනක්‌ යැමට සිදු විය හැකියි. අධ්‍යාපන කටයුතු සුභඵලදායකයි.
සුබ වර්ණ - සුදු, රෝස, සුබ අංකය ( 2, 3.
වෘෂභ
වාෂභ ලග්න හිමි ඔබේ ලග්නාධිපති සිකුරු සමඟ බුධ රාහු තුන්වැන්නේ ද සඳු සමඟ කුජ කේතු නමවැන්නේ ගමන් කරමින් උදාවන සතිය ඔබට මිශ්‍රඵලදායක වේ. පසුගිය දින දෙක තුනේ පැවති ගැටළුවකට විසඳුම් ලැබේ. අසනීපයක්‌ තිබුණේ නම් සුව අතට හැරේ. අසල්වැසියන් සමඟ තිබු අමනාපකමක්‌ දුරු වේ. ප්‍රතිඵලදායක ගමන් බිමන් නිතර යෙදේ. බිරිඳ හෝ සැමියාට සුභඵලදායකයි. කෘෂිකාර්මික කටයුතුවලින් ලාභ ලැබේ. සේවක සහයෝගය ලැබේ. එහෙත් සෙනසුරු අශ්ටම ඒරාෂ්ඨක අපලයක්‌ පවතින බැවින් සෞඛ්‍යය ගැන වැඩියෙන් සැලකිලිමත් වීම වැදගත්ය.
සුබ වර්ණය - මිශ්‍ර ලා, සුදු, සුබ අංකය - 2, 6.
මිථුන
ඔබේ ලග්නාධිපති බුධ, රාහු, සිකුරු සමඟ දෙවැන්නේද, රවි ලග්නයේද, සඳු සමග කුජ කේතු අටවැන්නේ ගමන් කරමින් සතිය උදාවෙන අතර මෙම සතිය තරමක්‌ අපලදායක බව පෙනේ. සතිය මුලදී අමතර වියදමක්‌ දැරීමට සිදුවිය හැකියි. කතාව නිසා පාඩුවක්‌ සිදුවීමට ඉඩ තිබේ. සතිය මැද වන විට පැවති ගැටලුවකට විසඳුම් ලැබේ. අධ්‍යාපන කටයුතු සාර්ථක කරගත හැක. වැඩිමහල් සහෝදරයෙකුට අපලයක්‌ පෙන්වයි. අධ්‍යාපන කටයුතු සාර්ථක කරගත හැකි වේ. කේතු දශා ගතකරන අයට තරමක්‌ අපලයි. කලට වේලාවට ආහාර ගැනීමට සහ සෞඛ්‍යය රැක ගැනීමට සැලකිලිමත් වන්න.
සුබ වර්ණය - ලා කොළ, සුබ අංකය - 4.
කටක
කටක ලග්නයෙන් උපන් ඔබේ ලග්නාධිපති සඳු සමඟ කේතු කුජ හත්වැන්නේද බුධ, සිකුරු, රාහු ලග්නයේද සිටිමින් උදාවන සතිය සුබඵලදායක වේ. බිරිඳ හෝ සැමියා සමඟ තිබුණු අමනාපකමක්‌ දුරු වේ. අවිවාහක අයට මංගල යෝග යෙදේ. ගෘහ ජීවිතය සුබඵලදායකයි. ගෙදර දියුණුවට කරන කටයුතු සාර්ථක වේ. වියදම් ඉහළ යා හැකියි. තැන්පත් මුදලක්‌ පවා වැය වීමට ඉඩ තිබේ. සේවක සහයෝගය නොඅඩුව ලැබෙන බැවින් රැකියා හා ව්‍යාපාර කටයුතු සාර්ථකව කරගත හැකිය. පවුලේ අය සමඟ සතුටින් සාමයෙන් කාලය ගතවේ. දරුවෙකුගේ විවාහ ප්‍රශ්නයකට විසඳුමක්‌ ලැබෙනවා ඇත.
සුබ වර්ණය - සුදු, කහ, සුබ අංකය - 2, 5.
සිංහ
ඔබේ ලග්නාධිපති රවි එකොළොස්‌වැන්නේද, සඳු සමඟ කුජ කේතු හයවැන්නේද, ශනි පසAවැන්නේද ගමන් කරමින් උදාවන සතිය ඔබට සුබදායක වේ. තනතුරේ හෝ තත්ත්වයේ උසස්‌වීමකට ඉඩ තිබේ. උසස්‌ අයගේ උදව් උපකාර ලැබේ. වැඩිමහල් සහෝදරයෙකුට සුබඵලදායකයි. බලාපොරොත්තු සාර්ථක කරගත හැකි වේ. විදේශ ගමන් පිළිබඳ බලාපොරාත්තු සාර්ථක කරගැනීමට කරුණු යෙදේ. දරුවෙකුට අපලයක්‌ පෙන්වයි. සතුරන් හා තරගකරුවන් අභිබවා ක්‍රියා කිරීමට ශක්‌තිය ඇති වේ. රාහු කේතු දශා තරමක්‌ අපලයි. අන් අයට මිශ්‍රඵලදායකයි.
සුබ වර්ණය - දිලෙන සුදු, සුබ අංකය - 1.
කන්‍යා
කන්‍යා ලග්නයෙන් උපන් ඔබේ ලග්නාධිපති බුධ, රාහු, සිකුරු සමඟ එකොළොස්‌ වැන්නේද, රවි දහවැන්නේද සඳු සමඟ කේතු කුජ පස්‌වැන්නේ ගමන් කරන අතර මේ සතිය සුබඵලදායක බව පෙනේ. රැකියා හා ව්‍යාපාර අංශවල මිතුරු මිතුරියන් සමඟ සතුටින් කාලය ගතවේ. ආදායම සතුටුදායකයි. ගෙදර වැඩිහිටියෙකුට අපලයක්‌ පෙන්වයි. අවිවාහක අයට මංගල යෝග යෙදේ. දරුවන්ගේ දියුණුව දැක සතුටුවිය හැකි වේ. අධ්‍යාපනය ලබන ශිෂ්‍ය ශිෂ්‍යාවන්ගේ අධ්‍යාපන කටයුතු සාර්ථක වේ. ආයෝජනවලින් ලාභ ලැබේ. විදේශ රැකියා පිළිබඳ බලාපොරොත්තු සාර්ථක කරගැනීමට කරුණු යෙදේ. බිරිඳ හෝ සැමියාට ධන ලාභ ලැබේ.
සුබ වර්ණය - මිශ්‍ර ලා, සුබ අංකය - 5.
තුලා
ඔබේ ලග්නාධිපති සිකුරු සමඟ බුධ, රාහු දහවැන්නේද සඳු සමඟ කේතු කුජ හතරවැන්නේද, ගුරු ලග්නයේද ගමන් කරමින් උදාවන මෙම සතිය ඔබට සුබඵලදායක බව පෙන්වයි. කෘෂිකාර්මික කටයුතු සාර්ථක වේ. ගෙදර මවුපියන් හා දූ දරුවන් සමඟ සතුටින් කාලය ගතවේ. සතිය මැදදී දරුවන්ගේ දියුණුවට කරන කටයුතුවලින් සාර්ථක ප්‍රතිඵල ලැබේ. අධ්‍යාපන කටයුතු සාර්ථක වේ. අඹු-සැමි සමගිය ඇති වේ. රැකියාව හෝ දියුණුව වෙනුවෙන් කරන කටයුතු වලට නිතර නිවසින් බැහැරව යැමට සිදුවේ. අවිවාහක අයගේ මංගල යෝජනා පිළිබඳ ගමන් බිමන්වලට සුබඵලදායකයි.
සුබ වර්ණය - සුදු, මිශ්‍ර ලා, සුබ අංකය - 2, 6.
වෘශ්චික
වෘශ්චික ලග්න හිමි ඔබේ ලග්නාධිපති කුජ සඳු හා කේතු සම`ග තුන්වැන්නේ ද, රවි අටවැන්නේ ද ගුරු දොළොස්‌වැන්නේ ද ගමන් කරන අතර මේ සතිය මිශ්‍රඵලදායක බවක්‌ පෙන්නුම් කරයි. පවුලේ වියදම් තරමක්‌ ඉහළ යා හැකියි. තැන්පත් මුදලක්‌ පවා වියදම් වීමට ඉඩ තිබේ. මේ නිසා වියදම් පාලනය කර ගැනීමට සැලකිලිමත් වන්න. බිරිඳ හෝ සැමියාට තරමක්‌ අපලයි. විවාහ මංගල යෝජනා හෝ පෙම් සබඳතා ස්‌ථිර කර ගැනීම පිළිබඳ කටයුතුවලට සුබ නොවේ. කතාව නිසා අන් අය අතර අප්‍රසාදය ඇති විය හැකියි. දුර දිග බලා කටයුතු කරන්න. ආදායම සතුටුදායකයි. ගෘහ ජීවිතයට මිශ්‍රඵලදායකයි.
සුබ වර්ණය - සුදු, සුබ අංකය - 2.
ධනු
ඔබේ ලග්නාධිපති ගුරු එකොළොස්‌වැන්නේ ද, රවි හත්වැන්නේ ද සඳු සමඟ කුජ කේතු දෙවැන්නේද ගමන් කරන මේ සතිය ඔබට මිශ්‍රඵලදායක වේ. පසුගිය දින දෙක තුනේ හිතට වධ දුන් ප්‍රශ්නයකට විසඳුම් ලැබේ. උත්සාහය ධෛර්යය වැඩි වේ. ගෙදර දියුණුවට කරන කටයුතු සාර්ථක වේ. ව්‍යාපාර හා රැකියාවලට සුබඵලදායකයි. එහෙත් සේවක ගැටලු ඇතිවිය හැකියි. සහෝදරයෙකු පිළිබඳව සතුටුදායක ආරංචියක්‌ ලැබේ. ආදායම් සතුටුදායකයි. යහපත් මිතුරු මිතුරියන්ගේ ඇසුර ලැබේ. සෙනසුරු දශා ගතකරන අය ශරීර සෞඛ්‍යය ගැන වැඩියෙන් සැලකිලිමත් වන්න.
සුබ වර්ණය - කහ, සුබ අංකය - 5.
මකර
මකර ලග්නයෙන් උපන් ඔබේ ලග්නාධිපති ශනි දොළොස්‌වැන්නේ කුජ කේතු සමඟ සඳු ලග්නයේද, රාහු සමඟ බුධ සිකුරු හත්වැන්නේ ගමන් කරයි. මේ සතිය ඔබට සුබඵලදායක බවක්‌ පෙන්වයි. බිරිඳ හෝ සැමියා සමඟ තිබූ අමනාපකමක්‌ දුරු වේ. විවාහ සහකරු ගැන වෙනදා නොදුටු අගයක්‌ දැනෙනු ඇත. පසුගිය කාලයේ ගනු ලැබූ තීරණයක්‌ ගැන පසුතැවිල්ලක්‌ ඇති විය හැකිය. සතුරන්ගෙන් ජය ලැබේ. විවාහ මංගල යෝජනා පිළිබඳ කටයුතුවලට සුබඵලදායකයි. උත්සාහය ධෛර්යය නොඅඩුව පවතින නිසා බොහෝ කටයුතු සාර්ථක කරගැනීමට හැකි වේ.
සුබ වර්ණය - ලා කොළ, සුබ අංකය - 4.
කුම්භ
ඔබේ ලග්නාධිපති ශනි එකොළොස්‌ වැන්නේ ද, සඳු ග්‍රහයා කේතු, කුජ සමඟ දොළොස්‌වැන්නේද, ගුරු නමවැන්නේද ගමන් කරමින් උදාවන සතිය මිශ්‍රඵලදායකයි. හිත මිතුරන්ගේ සහයෝගය නොඅඩුව ලැබෙන නිසා රැකියා හෝ ව්‍යාපාර කටයුතු සාර්ථක කරගත හැකි වේ. විදේශ රැකියා කටයුතුවලට සුබයි. ඉක්‌මන් කෝපය හා කලබල වීම නිසා පාඩු වීමට ඉඩ තිබේ. ආගම දහමට හිත යොමු වේ. දරුවන්ට මිශ්‍රඵලදායකයි. බලාපොරොත්තුවෙන් සිටි ණය මුදලක්‌ ලැබේ. අධ්‍යාපන කටයුතු සාර්ථක වේ.
සුබ වර්ණය - නිල්, සුබ අංකය - 7.
මීන
මීන ලග්නය හිමි ඔබේ ලග්නාධිපති ගුරු අට වැන්නේත්, සඳු සමඟ කුජ, කේතු එකොළොස්‌වැන්නේත් රාහු සමඟ බුධ, සිකුරු පස්‌ වැන්නේත් ගමන් කරමින් උදාවන මේ සතිsය මිශ්‍රඵලදායක බවක්‌ පෙන්වයි. අධ්‍යාපන කටයුතුවල යෙදෙන ශිෂ්‍ය ශිෂ්‍යාවන්ට සුබඵලදායකයි. හිත මිතුරන් සමඟ සතුටින් කාලය ගතවේ. අලුත් බලවත් මිතුරන් හඳුනාගැනීමට අවස්‌ථාව උදාවේ. ආදායම සතුටුදායකයි. පදිංචිය පිළිබඳ සිත් තැවුලක්‌ ඇතිවීමට ඉඩ තිබේ. දරුවන්ට සුබඵලදායකයි. දරුවෙකුගේ රැකියා ප්‍රශ්නයකට විසඳුමක්‌ ලැබීමට ඉඩ තිබේ. ගුරු දශා අතුරු දශා ගතකරන අය ශරීර සෞඛ්‍යය ගැන වැඩියෙන් සැලකිලිමත් වන්න.
සුබ වර්ණය - සුදු, සුබ අංකය - 2.
කෑගල්ලේ සුනිල් කුමාර ගම්ලත්
Post a Comment